राष्ट्रिय अंक अपडेटहरु

काठमाडौँको रेस्टुरेन्टमा रोबोट ले गर्छन पाहुना को सेवा

 
banner
राजधानी काठमाडौंको एक रेष्टुरेण्टमा रोबोटले खाना सर्भ गर्छन् भन्दा हामीलाई अचम्म लाग्न सक्छ तर यो सत्य हो । यहाँको एक रेष्टेरेण्टमा रोबोटले काम गछृन् । विशेष त के भने यी रोबोटहरु नेपाली र अंग्रेजी दुवै भाषा बोल्न सक्छन् । यी रोबोटहरु नेपालमै बनेका हुन् । यी रोबोटलाई ६ युवाको समूहले बनाएको हो । 
आर्टिफिशियल इन्टेलिजेन्समा काम गर्ने यी रोबोटले खानाको अर्डर लिने, खाना सर्भ गर्नुका साथै नेपाली वा अंग्रेजी बोल्ने ग्राहकसँग कुराकानी पनि गर्न सक्छन् । अहिले रेष्टुरेण्टमा यिनीहरुको तत्काल जवाफ दिने शैली र मजाक गर्ने स्टाइल निकै रुचाइएको छ । राजधानीको दरबारमार्गस्थित नौलो रेष्टुरेण्ट दक्षिण एशियाकै पहिलो डिजिटल रोबोटिक रेष्टुरेण्ट बनेको हो । 
रेष्टुरेण्टमा अहिले कूल ५ रोबोट काम गर्छन् । ग्राहकको लागि यहाँ टेबलमै डिजिटल मेनु जडान गरिएको छ । यो मेनु पढेर ग्राहकले सजिलै सिधै किचनमा अर्डर दिन सक्छन् । खाना तयार हुनासाथ रोबोटले त्यसलाई लिएर टेबलमा पुग्छन् । 

रोबोट बनाउने कम्पनी पाइला टेक्नोलोजीलाई ६ जनाले मिलेर सुरु गरेका थिए । कम्पनीका सिइओ विनय राउतले इन्जिनियरिङको पढाइ भारत र बेलायतबाट गरेका हुन् । उनी पढाइ पूरा गरेपछि रोबोटिक टेक्नोलोजीबारे थप बुझ्न चीन र जापान गएका थिए । त्यसपछि उनको दिमागमा रेष्टुरेण्ट खोल्ने र त्यहाँ रोबोटलाई काम लगाउने सोच आयो । अब उनको लक्ष्य नेपालको प्रविधिलाई अन्तर्राष्टिङय बजारमा लैजानु हो । 

साभार

जीवन र प्रेमको बारेमा कुकुरबाट सिक्‍नुपर्ने १० सिकाइहरु

 


कुकुर, ठाउँ, परिवेश र समय अनुसार कुकुरको परिचय फरक फरक छन्। हाम्रो घरको पहरेदार, हामीलाई मनपर्ने जनावर, साथी अनि बाटोमा फोहोरको थुप्रो सुघ्दै हिड्ने जनावर।

पोर्न उद्योग बारे के छ त सन्नी को धारणा ?

गत पाँच वर्षमा भारतमा गुगलबाट सर्वाधिक खोजिएको नाम हो - सनी लिओनी।




पोर्न चलचित्रमा अभिनय गर्ने यी कलाकारबारे जान्ने र उनलाई हेर्ने रुचि मानिसहरूमा देखिन्छ। तर धेरैले पहिला नै उनीबारे आफ्नो धारणा बनाइसकेका हुन्छन्।

आफूबारे त्यस किसिमको धारणा आफ्नै कारणले बनेको उनलाई थाहा छ।

"म मेरो विचार र जीवनबारे पारदर्शी छु। तर मानिसहरू मलाई मेरो पुरानो पेसासँग जोडेर हेर्छन्। यसमा उनीहरूको कुनै गल्ती छैन। तर समयसँगै म पनि परिवर्तन भएकी छु र मानिसहरूले पनि ममा आएको यो परिवर्तनलाई बुझ्लान् भन्ने आशा छ।"

सनीले पहिला बलिउडमा "आइटम नम्बर" भनिने गीतहरूमा काम गरेकी थिइन्। पछि उनले चलचित्रमा अभिनय पनि गरिन्।

भरखरै उनले उत्पादन गरेको अत्तर "द लस्ट" पनि बजारमा आएको छ।

विवाद
सनी लिओनीको वास्तविक नाम करनजीत कौर हो।

उनको जीवनमा आधारित भएर निर्माण गरिएको वेब शृङ्खलामा त्यो नाम प्रयोग भएको भन्दै सिखहरूको शिरोमणि गुरुद्वारा प्रबन्धक समितिले विरोध गरेको थियो।

सिख धर्ममा 'कौर' उपनामको विशेष महत्त्व छ। तर पोर्न चलचित्रसँग जोडिएकी सनीले त्यो नाम प्रयोग गर्दा विवाद उत्पन्न भयो।

यसबारे सोध्दा आफ्नो नाम राहदानीमै भएको बताइन्। उनका अनुसार आमाबाबुले नै उनको नाम करनजीत कौर राखिदिएका हुन्।

तर उनीहरू दिवङ्गत भइसके र उनको दाबी पुष्टि गर्न सकिने स्थिति छैन।

उनले भनिन्, "मेरो वास्तविक नाम करनजीत कौर हो र मेरो कामको नाम मात्र सनी लियोनी हो।"

पोर्न चलचित्रमा काम गरेकोमा सनी लियोनीलाई लज्जा वा हीनताबोध छैन।

पोर्नको बजार
भारतमा व्यक्तिगत रूपमा पोर्न हेर्नमा कुनै प्रतिबन्ध छैन। तर त्यहाँ पोर्न सामग्रीको निर्माण र वितरण गैरकानुनी छ।

संसारको सबैभन्दा ठूलो पोर्न वेब्साइट 'पोर्नहब'का अनुसार अमेरिका, ब्रिटेन र क्यानडापछि भारतमा सबैभन्दा धेरै पोर्न हेर्ने गरिन्छ।

के भारतमा पनि पोर्न उद्योगलाई वैधानिक मान्यता दिनुपर्छ? त्यसको निर्णय आफूले नभएर भारत सरकार र नागरिकहरूले गर्नुपर्ने उनको धारणा छ।

अनि के पोर्न उद्योगले यौनबारे सहजता र उदारता ल्याउला?

उत्तरमा उनी आफूलाई मन परेको कुरा मान्न अरूलाई बाध्य नपार्ने बताउँछिन्। परिवारबाट समाजमा विचार जाने र प्रत्येक महिलाको विचार उनका आमाबाबुबाट बन्ने उनको धारणा छ।

तर आमाबाबुले उनको निर्णय भने स्वीकार्न सकेका थिएनन्।

उनी उदार विचारधारा राख्दै हुर्किइन्। उनका अनुसार उनी आमाबुबालाई सम्मान गर्ने तर आफ्नो निर्णय आफैँ लिन्छिन्।

अब उनका आफ्नै बालबच्चा छन्। उनले एउटी धर्मपुत्री पालेकी छन् भने सरोगेसीमार्फत् दुई छोरा पनि जन्माएकी छिन्।

सन्तानलाई बताउलिन्?

के सन्तानलाई उनी आफ्नो जीवनमा निर्णय लिने स्वतन्त्रा दिन सक्लिन्?

उनले भनिन्, "म नि:सन्देह उनीहरू माथि पुगून्, मङ्गल ग्रहसम्मै पुगून् भन्ने चाहन्छु। तर निर्णय र बाटो उनीहरूकै हुनेछ।"

अन्तिम प्रश्न सम्भवत: उनका लागि कठिन थियो।

सनी लिओनीलाई सोधिएको भए पनि उत्तर भने करनजीत कौरले दिनुपर्ने प्रश्न।

के उनी आफ्नो पुरानो पेसाको कुरा आफ्ना बच्चालाई बुझाउन सक्लिन्?

उनलाई त्यति सहज अनुभव त भएन। तर यो प्रश्न उनको मनमा नआएको पनि होइन।

उनले आफ्नो जीवनमा लिएका निर्णयका कारण सिर्जित मानिसहरूको धारणासँग बाँच्न सजिलो पनि छैन।

तर साहसपूर्वक उनले त्यो अहिले आफ्नो सरोकार नभएको बताइन्।

उनका अनुसार उनलाई आमा बन्ने रहर थियो र अहिले उनी त्यसैमा रमाइरहेकी छन्।

तर उपयुक्त समयमा छोराछोरीलाई वास्तविक कुरो बताउन उनको योजना छ।

परम्परामै लुकेका छन स्वस्थ रहने खान्की

 
हिन्दु परम्परा अनुसार रक्षाबन्धनको दीन आज चेलिबेतिहरुले दाजुभाइलाई राखी लगाइदिने साथै क्वाटी खाने चलन रहेको छ।  

पढ्ने बेलामा लव गरियो अहिले उ बाहेक अरु तिर ध्यान जादैन !!! अब के गर्ने ?

जीवनको यात्रा धेरैनै लामो कठिन र दोधार ले भरिपुर्ण हुनेगर्दछ , उक्त अवस्थाहरुमा हामीले उचित निर्णय लिनबाट चुकेको खण्डमा जिन्दगीभर पछुताइरहनु पर्ने हुन्छ।

बढ्यो साइबर अपराध , प्रतिमिनेट करोडौ नोक्सानी

 
इन्टरनेटको बढ्दो प्रयोगसँगै साइबर अपराध पनि बढ्दै गएको छ । एक अन्तर्राष्ट्रिय प्रतिवेदनअनुसार ह्याकरले बैंक तथा वित्तय क्षेत्रबाट विश्व अर्थव्यवस्थामा निकै ठूलो हानी नोक्सानी गर्दै आएका छन् । समाचारअनुसार विश्वमा प्रत्येक मिनेटमा ११ लाख डलर ह्याकरले चोर्ने गरेका छन् । 

यस्तै १ मिनेटमा विश्वमा १ हजार ८ सय ६१ जना मानिस ह्याकरको आक्रमणमा पर्ने गरेका छन् । अमेरिकाको सानफ्रान्सिस्कोस्थित साइबर सेक्युरिटी कम्पनी रिस्कआईक्यूको एक प्रतिवेदनअनुसार विश्वमा ह्याकर हरेक वर्ष विश्व अर्थतन्त्रमा ठूलो नोक्सानी गर्दै आएका छन् । प्रतिवेदनअनुसार गत वर्ष विश्व अर्थतन्त्रबाट ६ सय अरब डलर ह्याकरले चोरी गरेका छन् । विश्व अर्थव्यवस्थालाई हरेक १ मिनेटमा ११ लाख ३८ हजार ३८८ डलर ह्याकरका कारण नोक्सान भइरहेको छ । यस्तै प्रत्येक मिनेटमा ३ वटा कम्पनी साइबर आक्रमणमा पर्ने गरेका छन् । 

यस्तै हरेक मिनेटमा कम्पनीहरुलाई १७ लाख नेपाली रुपैयाँ बराबरको घाटा हुने गरेको छ । इन्टरनेटको यो अथाह दुनियामा ह्याकरहरु म्यालभेयर, फिशिंग र सप्लाई चेनमार्फत मानिसलाई नोक्सान गरिरहेका छन् ।

मोबाइल एप्प्स चलाउदा होसियार !!!

 
 नेपालमा स्मार्ट्फोन र इन्टर्नेट प्रयोगकर्ताहरूको सङ्ख्या बढ्दै गएको छ। सबैले व्यक्तिगत प्रयोजनका लागि हातेफोनमा सम्पर्क नम्बर, एसएमएस र तस्बिर आदि गोप्य तथा संवेदनशील विवरणहरू सङ्कलन तथा सङ्ग्रह गर्छन्।

सिप जान्नेलाइ काम , नजान्नेलाइ निर्वाह भत्ता !

 
 सरकारले योग्यता, सीपअनुसारको रोजगार उपलब्ध गराउने भएको छ। यदि रोजगार उपलब्ध नभए ‘निर्वाह भत्ता’ दिनेछ।श्रम, रोजगार तथा सामाजिक सुरक्षा मन्त्रालयले तयार गरेको ‘रोजगारीको हक सम्बन्धमा व्यवस्था गर्न बनेको विधेयक, २०७५’मा सरकारले बेरोजगार नागरिकलाई एक आर्थिक वर्षमा कम्तीमा १०० दिनको रोजगारीको सुनिश्चितता गराउने व्यवस्था गरेको छ।

बिस बर्ष भन्दा अगाडी बिहे गर्नु नहुने कानुन प्राकृतिक कि अप्राकृतिक ?


गोकुल पौडेल :
ठिक हो यो, बीस वर्ष भन्दा अगाडि युवायुवती परिपक्व भइसकेका हुदैनन् ,हामी सामाज देखिरहेका छौ प्रायः जसो बढी सम्बन्ध बिच्छेद ,विवाह पछि आत्महत्या अपरिपक्व विवाह मा बढी देखिन्छ।  विवाह,परिवार ,समाज ,सन्तान प्रतिको दायित्व जस्ता कुरा २० वर्ष भन्दा मुनिका उमेरका युवायुवतीले बुझीसकेका हुदैनन् । सानासाना कुराले ठूलो मुद्दा सिर्जना हुन सक्छ ,। तसर्थ २० वर्ष भन्दा अगाडि विवाह नगर्नु राम्रो भन्छु म ,एकदम प्राकृतिक कानुन हो ।

मिलन ओली :
यो कानुनले परिपक्कतालाई ध्यान दिन  खोजेको हो।  बिवाह गर्नको लागि कुनै पनि ड्रिसटिकोण बाट २० बर्ष अघि राम्रो हुदैन। आर्थिक दायित्व तथा शारीरिक स्वस्थता को लागि पनि २० बर्षको उमेर ठिक हुन्छ तर यसलाई कानुनि रुपमा लागु गरेर लैजानु भन्दा चै २० बर्ष अघि बिवाह गर्नु हुन्न ,बिवाह गर्न भन्दा अघि आफु परिपक्क र आफ्नो दायित्व बोध गर्न सक्ने हुनु पर्दछ भन्ने खालको जनचेतना फैलाउनु चै उपयुक्त हुन्छ भन्ने  मेरो धारणा हो।  

प्रकाश भण्डारी :
हुन्न , यो कानुन प्राकृतिक कुरा हो । किन भने कुनै पनि केटा या केटी बिस बष॔ भन्दा अगाडीको उमेर मा शारिरिक तथा मानशिक रुपमा पुण॔ रूपले परिपक्क भैसकेका हुदैन्न।

सरोज भण्डारी: खै अब आफु २७ पुगीसकियो अहिले सम्म गरेको छैन , केहि बोल्नै  पो आएन त मलाइ लागेसम्म त २० हैन त्यसलाई बढाएर ३० बनाएपनि हुन्थ्यो, साथी र आफु भन्दा साना भाइ बहिनिकाका जोइ र पोइका  फोटा  फेसबुक मा लाइक गर्दा गर्दा वाक्क भैसकियो !!!!

प्रदिप परियार:
एकदमै प्राकृतिक। 

साहिक आचार्य :
प्रकृतिले प्रज्वानन च्यामता मान्छेलाई १६ /१७ बर्ष देखि प्रदान गरेको छ।  मान्छे ले २० बर्ष सम्म परिपक्क हुन्छ।  अब कानुनले पनि प्रज्वानन अधिकार २० बात सुरु भनेको छ त्यसैले यो कानुन प्राकृतिक छ।  

आनन्द शाह  :
 मेरो बिचारमा मलाइ के लाग्छ भने कानुन एक प्रकारले ठिकै छ , किनभने कतिपय परिवारले आफ्नो बच्चाहरुको  बिवाह जबरजस्ती उनीहरुको इक्ष्या बिपरित  १८ बर्षमै गरिदिन्छन। त्यो अवस्थामा उनिहरुसंग आफ्ना आमाबुवाको कुरा मान्न बाहेक अरु कुनै उपाय हुदैन ।  त्यस्ता परिवारहरुको लागि यो कानुन ठिकै हो।  प्राक्रितिक् नै मान्नु पर्छ।तर यदि केटा र केटीको सहमतिले २० बर्ष अघिनै बिवाह गर्न चाहन्छन भने त्यहाँ यो कानुन अप्राकृतिक हुन जान्छ , त्यहाँ उनीहरुले आफ्नो चाहना अनुरुप आफुले चाहेको व्यक्ति संग बिवाह गरॆका हुन्छन तर पारिवारिक रुपमा बैवाहिक सम्बन्ध राख्दा चै २० बर्ष पछि नै राखेको राम्रो। २० वर्ष अघि उ सम्पूर्ण रुपमा बिकास भएको हुँदैन जसले गर्दा उनिहरुले  पारिवारिक दायित्व बोध गर्न सक्दैनन्  र गलत निर्णय लिन पुग्छन।

सामान्यतया मानिसले प्राकृतिक रुपले १८ बर्समा परिपक्कता हासिल गर्ने गरेको छ ,त्यसलाई हेर्दा बिवाह को उमेर २० राख्नु स्वाभाविक नै हो।  कुनै पनि कानुनको निर्माण गर्दा प्रकृति र संबिधान दुबैलाई मध्यनजर गर्नु पर्ने हुन्छ।  यी दुबैलाई संगसंगै लैजान आवस्यक हुन्छ। कलिलो उमेरमा परिपक्कता को बिकास नहुदै बुवाआमा को करले बिवाह गरेर आफ्नो भबिस्य अन्धकार बनाउने पिडिलाई लाइ भने सर्सुहाउदो कानुन बनेको छ तर उक्त कानुन ले आफ्नो चाहना अनुरुप बिवाह गर्न चाहने जोडीलाई भने रोक्नु अनुपयुत देखिन्छ। , यो एउटा समस्या बन्न जान्छ जसको निराकरणका  लागि सचेतानात्मक कार्यक्रम हरु अघि ल्याउनु पर्ने हुन्छ। सो कार्यक्रम हरु संचालन गर्नाले कम उमेरमा हुनेगरेका बैबाहिक सम्बन्धलाई घटाएर लैजान्छ र दाम्पत्य जीवनका कारणले आउने समस्याहरु घट्न जान्छन।
      

सम्बन्ध " किसोरावास्थामा प्रेम गर्दा पढाइ मा असर गर्छ कि गर्दैन ? "

 गोपाल राज बस्नेत , इटहरी (परिवर्तित नाम )  " म सोह्र वर्ष को युवक हुँ। म भर्खरै इटहरी को एक +२ मा कमर्स लिएर अध्ययन गर्दै छु । बुवा ले मेरो केटी साथी छ भनेर थाहा पाउनु भएछ। र मलाई सधैं सम्झाई रहनु हुन्छ। के मैले केटि साथी बनाउदा मेरो पढाई बिग्री हाल्छ त ? "